Segir afar líklegt að Van Dijk endi í Liverpool

Hollendingurinn Virgil van Dijk gæti verið á leið til Liverpool, þrátt fyrir að félagið hafi sagt í upphafi mánaðarins að það muni ekki eltast frekar við leikmanninn.

Þetta kemur fram á fréttavef Sky Sports í dag og hefur eftir ónefndum heimildamanni sem er sagður nátengdur leikmanninum.

Van Dijk var skilinn eftir heima þegar Southampton fór í æfingaferð fyrr í vikunni og hefur verið að æfa einn.

Fullyrt er í fréttinni að Van Dijk vilji fara til Liverpool en forráðamenn Southampton hafa fullyrt að hann sé ekki til sölu.

Van Dijk hefur einnig verið orðaður við bæði Chelsea og Manchester City.