Fótbolti

Arna Sif hafði ekki taugar í Yrsu og gekk út

Kolbeinn Tumi Daðason í Ermelo skrifar
Arna Sif Ásgrímsdóttir (til hægri) ásamt Berglindi Björgu Þorvaldsdóttur. Blaðamaður er ekki upplýstur um það hvort Ég man þig hafi fengið á Eyjakonuna.
Arna Sif Ásgrímsdóttir (til hægri) ásamt Berglindi Björgu Þorvaldsdóttur. Blaðamaður er ekki upplýstur um það hvort Ég man þig hafi fengið á Eyjakonuna. Instagram @arnaasgrims
Stelpurnar okkar í kvennalandsliðsinu í fótbolta gerðu sér glaðan dag eins og fram hefur komið á laugardagskvöldið og horfðu flestar hverjar á bíómyndina Ég man þig eftir skáldsögu Yrsu Sigurðardóttur. 

 Yrsa er náfrænka Gunnhildar Yrsu Jónsdóttur landsliðsmanns sem heyrði í frænku sinni sem gaf leyfi fyrir því að þær horfðu saman á myndina.

 Stiklu úr myndinni má sjá hér að neðan.

Katrín Ásbjörnsdóttir, framherji landsliðsins, var ein þeirra sem horfði á myndina.

 „Shit, vá hvað ég var hrædd. Húnv ar alveg hreint geggjuð. Við vorum allar að skíta á okkur inni í leikmannaaðstöðunni á hótelinu,“ segir Katrín. Þær sofnuðu þó allar um kvöldið að sögn Katrínar.

 Aðspurð hvort myndin hafi fengið meira á einhverja eina í landsliðinu en aðra er hún fljót að svara því og nefnir til sögunnar miðvörðinn að norðan, Örnu Sif Ásgrímsdóttur.

 „Hún getur ekki svona. Hún er algjör gunga og fór eftir fimm mínútur.“

Ekki missa af neinu tengdu stelpunum okkar á EM 2017 í Hollandi. Íþróttadeild 365 er með öflugt teymi fréttamanna á mótinu og færir ykkur allar nýjustu fréttirnar af íslenska liðinu. Fylgdu okkur á Facebook, Twitter og Snapchat (sport365).

EM 2017 í Hollandi

Mest lesið


Fleiri fréttir

Sjá meira


×

Mest lesið