16 milljónir hafa safnast fyrir Slysavarnarfélagið Landsbjörg

Rétt fyrir klukkan hálf 11 í morgun náði heildarupphæð í áheitasöfnun WOW Cyclothon 16 milljónum króna. Safnað er fyrir Slysavarnarfélagið Landsbjörg sem mun úthluta söfnunarfé til Björgunar- og slysavarnarsveita landsins.

Núna þegar flestir keppendur eru að hefja sinn endasprett er spenningurinn í hámarki og hafa því aðstandendur verið duglegir að sýna þeim stuðning með áheitum.

CCP, sem trónir í efsta sæti fjáröflunarkeppninnar með 1.075.000, fékk skyndilega samkeppni frá ólíklegum aðila í gær þegar keppendur í liðnu Aero Mag, sem er skipað starfsmönnum fyrirtækisins, stökk upp í annað sætið og hefur nú safnað 967.000 krónum. Í þriðja sæti er lið Toyota með 462.700 krónur.

Alls hafa 11 lið safnað meira en 300.000 krónum, 26 lið meira en 200.000 krónum og 49 lið meira en 100.000 krónum.