Glamour

Gigi Hadid skipti fimm sinnum um föt á AMA verðlaununum

Ritstjórn skrifar
Fljótar fataskiptingar eru ekkert að flækjast fyrir okkar konu.
Fljótar fataskiptingar eru ekkert að flækjast fyrir okkar konu. Myndir/Getty
Ofurfyrirsætan Gigi Hadid var kynnir American Music Awards hátíðarinnar ásamt leikaranum Jay Pharoah. Þau stóðu sig prýðis vel og héldu uppi stemmningunni allt kvöldið á milli verðlaunaafhendinga og tónlistaratriða. 

Athygli vakti að Gigi klæddist fimm mismunandi dressum á sviðinu. Það verður að teljast ansi vel gert þar sem maður þarf að vera fljótur að skipta um föt á milli atriða. Hún ætti þó að vera orðin vön því enda búin að ganga á tískupöllunum fyrir helstu tískuhús heims á seinustu árum. 





Gigi klæddist stuttbuxnadragt eftir Julian Macdonald sem sló í gegn.
Fyrirsætan klæddist annari flík frá Julian Macdonald, í þetta skiptið þröngur ljós kjóll sem fór líkama hennar afar vel.
Á einum tímapunkti skipti Gigi yfir í þennan glitrandi galla.
Aðalnúmer kvöldsins var án efa þessi fallegi rauði Versace kjóll.
Enn ein skiptingin endaði í þessum fallega svarta langerma kjól.
Gigi byrjaði kvöldið á rauða dreglinum í þessum hvíta Roberto Cavalli kjól.

Mest lesið




×

Mest lesið