Frábær sigur hjá Fylkisstúlkum | Myndir

Fylkir vann í dag sinn fyrsta sigur í Olís-deild kvenna er liðið skellti Íslandsmeisturum Gróttu á Nesinu, 18-21.

Leikurinn var æsispennandi frá upphafi og munaði aðeins einu marki á liðunum í hálfleik. Fylkisstúlkur náðu svo að innbyrða sigur að lokum.

Þrátt fyrir sigurinn er Fylkir enn í neðsta sæti en Grótta er frekar óvænt í næstneðsta sæti deildarinnar.

Stefán Karlsson tók myndirnar sem má skoða hér að ofan.

Grótta-Fylkir  18-21 (8-9)

Mörk Gróttu: Þórey Anna Ásgeirsdóttir 6, Lovía Thompson 4, Guðný Hjaltadóttir 3, Emma Sardarsdóttir 3, Sunna María Einarsdóttir 2.

Mörk Fylkis: Christine Rishaug 6, Þuríður Guðjónsdóttir 6, Hildur Karen Jóhannsdóttir 4, Ólöf Þorsteinsdóttir 1, Hildur Björnsdóttir 1, Kristjana Steinarsdóttir 1, Vera Pálsdóttir 1, Thea Imani Sturludóttir 1.