Lokanir í Lækjargötu vegna leiks Íslands og Englands

Lokað verður fyrir umferð í Lækjargötu og nærliggjandi götum (sjá kort) frá klukkan 16 til 23 vegna landsleiks Íslands og Englands á EM. Verið er að koma upp 26 fermetra og 300 tomma risaskjá og öflugu hljóðkerfi við Arnarhól.

Í tilkynningu frá Reykjavíkurborg segir að sviðið verði neðst í brekkunni við Lækjargötu og ættu áhorfendur á Arnarhóli því að sjá vel á skjáinn.

Leikur kvöldsins fer fram á Stade de Nice og hefst hann klukkan 19 en útsending tveimur tímum fyrr.

Slökkt verður á skján­um á EM-torg­inu fyr­ir leik Íslands og hann því aðeins sýnd­ur við Arn­ar­hól.