Nýr Fiat 124 Spider

Það fjölgar í hópi lítill tveggja sæta sportbíla með tilkomu þessa Fiat 124 Spider bíls og kemur hann á markað í kjölfar nýrrar kynslóðar Mazda MX-5 Miata. Fiat 124 Spider er sannarlega samkeppnisbíls þess vinsælasta tveggja sæta sportbíls heims en verðlagning hans er svo til á pari við Mazda MX-5 Miata og kostar frá 25.990 dollurum, eða um 3,2 milljónir króna.

Hann er með smárri en öflugri 1,4 lítra bensínvél, 160 hestafla. Einnig má þó fá bílinn í Abarth-útfærslu með örlítið öflugri vél, eða 165 hestöfl. Bílinn má bæði fá með 6 gíra sjálfskiptingu og beinskiptingu. Hann kemur í grunnútfærslu á 16 tommu álfelgum og er með tvöfalt pústkerfi og LED afturljós.

Dýrari gerð hans kemur á 17 tommu áfelgum og með leðursæti og piano-litaða innréttingu. Fiat ætlar að framleiða 124 eintök af dýrustu gerð bílsins, Prima Edizione og er verð hans þá komið uppí 35.995 dollara.