Í haldi vegna gruns um kynferðisbrot á hótelherbergi

Lögreglan á höfuðborgarsvæðinu handtók í gær karlmann sem grunaður er um kynferðisbrot á gististað í Reykjavík. Kona lagði fram kæru vegna brotsins sem á að hafa átt sér stað aðfaranótt sunnudags. Maðurinn er í haldi og hefur hann verið yfirheyrður vegna málsins að sögn Árna Þórs Sigmundssonar, yfirmanns kynferðisbrotadeildar.

Árni Þór vildi ekki staðfesta hvar ætlað brot á að hafa átt sér stað en samkvæmt heimildum Vísis er um að ræða gistiheimilið Room With a View sem staðsett er á Laugavegi 18.

Árni Þór segir að rannsókn málsins miði vel.