Budvar sló öll sín eigin met

Tékkneska ríkisbruggfélagið Budejovicky Budvar, átt hefur í stríði við bandaríska bjórrisann Anheuser-Busch vegna notkunar á vörumerkinu „Budweiser“, segir heildarframleiðslu og útflutning fyrirtækisins hafa náð methæðum árið 2014.

Fréttaveita AP hefur eftir Budejovicky Budvar NP að útflutningur fyrirtækisins hafi aukist um sex prósent á árinu, í 81,3 milljónir lítra. Þetta sé besti árangur fyrirtækisins í 119 ár.

Á nýliðnu ári flutti Budvar út bjór til 70 landa, en fimm fleiri en árið áður. Alls voru framleiddir 145,7 milljón lítrar af bjór, 2,5 prósentum meira en árið 2013.