Þau eru tilnefnd sem Maður ársins 2015

Vísir og Bylgjan standa fyrir vali á Manni ársins 2015 og geta lesendur nú tekið þátt í að velja þann sem þeim þykir eiga nafnbótina skilið. Tæplega eitt þúsund tilnefningar bárust í gegnum vefinn og í símatíma Reykjavík Síðdegis.

Þorgeir, Kristófer og Bragi í Reykjavík síðdegis á Bylgjunni og blaðamenn Vísis fóru yfir tilnefningarnar og rökstuðninginn sem þeim fylgdi. Nú er búið að yfirfara þær og ljóst hvaða tíu aðilar berjast um titilinn. Það eru, í engri sérstakri röð:

• Þröstur Leó Gunnarsson
• Kári Stefánsson
• Þórunn Ólafsdóttir
• Lars Lagerbäck og Heimir Hallgrímsson
• Sigrún Þ Geirsdóttir
• Guðmundur Viðar Berg og Halldór Sigurbergur Sveinsson
• Almar Atlason
• Ásta Kristín Andrésdóttir
• Björgunarsveitirnar
• Sævar Helgi Bragason

Þú getur tekið þátt í valinu með því að fara inn á visir.is/madurarsins og láta þér líka við – setja „like“ á – þann sem þú vilt velja. Þar er hægt að lesa rökstuðning og meira um þá sem tilnefndir eru.

Hægt er að velja eins marga og þú vilt en aðeins er hægt að greiða hverjum og einum eitt atkvæði. Til að taka þátt þarftu að vera skráð(ur) inn á Facebook.