Nýr Kia Cadenza

Kia ætlar ekki að vera eftirbátur stóra bróðursins Hyundai og kynnir nú nýja gerð hins stóra fólksbíls Cadenza. Cadenza hefur að mestu verið beint að Bandaríkjamarkaði, eða frá árinu 2013, en hefur þó verið í sölu í S-Kóreu frá 2010.

Nú er komið að annarri kynslóð bílsins og Kia hefur sent frá sér teikningar af bílnum, en með yfirumsjón útlits hans hafði Peter Schreyer sem fyrr. Bíllinn er nú lengri, breiðari og með meira afgerandi línur.

Bíllinn á að verða öllu rúmmeiri en forverinn, sem þó var rúmgóður bíll.  Bíllinn verður áfram framhjóladrifinn og með V6 bensínvél, en líklega verður hann einnig í boði með fjögurra strokka vél með forþjöppu sem yrði sparneytnari útfærsla hans.

Fyrri gerð bílsins vakti tilhlýðlega athygli vestanhafs fyrir fágun og rými og álitu margir að með honum fengju kaupendur mikið fyrir peninginn. Verðið á bílnum hefur verið talsvert lægra í Bandaríkjunum en á jafn stórum þýskum lúxusbílum og má líklegt telja að svo verði áfram með nýja kynslóð hans. Framleiðsla nýs Cadenza mun hefjast á næsti ári og þá sem 2017 árgerð.