Ferrari fjölskyldur sameinast um að hindra yfirtöku

Nú þegar 10% hlutabréfa í Ferrari hefur farið á markað í kauphöllinni í New York er fyrirtækið að hluta til komið í almenningseigu.

Það gerir það þó ekki að verkum að einhver geti keypt upp fyrirtækið, því fjölskyldur Enzo Ferrari, stofnandi fyrirtækisins, hafa komist að samkomulagi um að halda sínum hlut. Ef svo væri ekki gæti einhverjum þeirra dottið í hug að selja sinn hlut háu verði og aðrir erfingjar Enzo missi þar af leiðandi stjórnina á fyrirtækinu með of litlum atkvæðisrétti.

Samkomulagið snýst um það að ef núverandi fjölskyldur halda í hlut sinn í að minnsta kosti 3 ár fái þeir aukinn atkvæðisrétt og það myndi gefa tveimur stærstu hluthöfunum, Piero Ferrari og stjórnarformanninum John Elkann 48,7% atkvæðisréttar, sem ætti að duga til að halda stjórninni innan Ferrari.

Eins og sagt var frá hér fyrr í vikunni er meiningin að auka framleiðslu Ferrari bíla úr 7.000 í 9.000 bíla ári á árinu 2019, eða um 30%. Í leiðinni ætlar Ferrrari að kynna einn nýjan bíl á hverju ári.