Fréttir Stöðvar 2 í kvöld: Landslag mikið breytt eftir hamfarirnar á Suðurlandi

Gríðarlegar breytingar hafa orðið á landslagi við Skaftá vegna hlaupsins og flóðanna síðustu daga. Kristján Már Unnarsson fréttamaður hefur skoðað aðstæður í dag og í fréttum Stöðvar 2 kl.18.30 verða afleiðingar hamfaranna útskýrðar í máli og myndum og meðal annars rætt í beinni útsendingu við oddvitann sem skoðaði skemmdir á svæðinu í dag.

Á meðfylgjandi ljósmynd má sjá Kristján við Skaftá í dag. Á svæðinu sem hann bendir á lá áður vegur að bænum Skaftárdal, en þar er nú kominn vatnsmikill og djúpur áll.

Fréttir Stöðvar 2 eru, eins og alltaf, í opinni dagskrá.