Gallabuxur vinsælar á götum Parísarborgar

Á nýafstaðinni tískuviku í París réðu gallabuxurnar ríkjum í klæðaburði götutískustjarnana og gaman að sjá hversu fjölbreytt útkoman var. Gallabuxur eru flík sem hægt er að klæða upp og niður eftir hentugleika og para saman við flest.

Gallabuxnatískan er langt frá því að vera ný af nálinni og því nokkuð öruggt að flestir eiga eins og eitt par í fataskápnum. Niðurmjóar, víðar, þröngar, beinar, ljósar eða dökkar. Ef marka má þessar myndir hér að neðan er mikið um útvíðar og ökklasíðar þessa stundina. 

Glamour tók saman nokkrar góðar myndir frá götutískunni í París þar sem hægt er að fá innblástur. 

Nýtt Glamour er komið í allar helstu verslanir - tryggðu þér eintak!
Fylgstu með Glamour á Instagram og á Facebook.