Falleg lög sem munu lifa Jónas Sen skrifar 19. nóvember 2014 09:30 Kór Langholtskirkju. „Kórinn söng af alúð og öryggi, samhljómurinn var þéttur og fágaður,“ segir Jónas Sen. Tónlist: Lög eftir Sigvalda Kaldalóns og Þorvald Gylfason Kór Langholtskirkju undir stjórn Jóns Stefánssonar Tónleikar í Langholtskirkju sunnudaginn 16. nóvember. Tónleikar Kristins Sigmundssonar, þar sem hann söng lagaflokk eftir Þorvald Gylfason fyrr í haust, komu ekki vel út að mati undirritaðs. Söngurinn var daufur og útsetningarnar voru ekki sannfærandi. En sjö lög eftir Þorvald við ljóð eftir Kristján Hreinsson, sem frumflutt voru á tónleikum Kórs Langholtskirkju undir stjórn Jóns Stefánssonar á sunnudaginn var, hljómuðu miklu betur. Útsetningarnar voru flottar, t.d. var síðasta lagið, Minning, sérlega grípandi. Lagið fjallar um dauðann og minningarnar sem eru ódauðlegar; þar var orgelleikurinn ákaflega myrkur en söngurinn bjartur. Kannski var orgelið í hlutverki dauðans, en raddirnar holdgerving hinna ódauðlegu minninga. Andstæðurnar voru afar vel útfærðar og eftir því áhrifamiklar. Laglínurnar í öllum lögunum voru fallegar, einfaldar í byrjun en fóru svo gjarnan í óvæntar áttir. Það er svo auðvelt að semja alþýðlegar melódíur sem eru klisjur! Þorvaldur datt aldrei í þá gryfju. Þvert á móti voru lögin hans hrífandi. Mörg hver eiga örugglega eftir að lifa með þjóðinni. Kórinn söng af alúð og öryggi, samhljómurinn var þéttur og fágaður. Orgelleikur Tómasar Guðna Eggertssonar var líka pottþéttur, nákvæmur og hæfilega litríkur. Svipaða sögu er að segja um flutninginn á nokkrum kórlögum eftir Sigvalda Kaldalóns. Fyrir utan ónákvæmni karlanna í einu laginu var söngurinn fagur og tilfinningaríkur, túlkunin full af ákefð og lífi. Ave María eftir Sigvalda var á dagskránni, að þessu sinni í kórútsetningu Jóns Stefánssonar. Hún var stórglæsileg. Venjulega er hún flutt af einum söngvara við píanómeðleik, og verður stundum dálítið væmin. Þetta er vissulega fallegt lag, en það þarf ákveðið látleysi til að ná að rísa upp í hæstu hæðir. Margir söngvarar missa sig í tilfinningaseminni og útkoman verður óttaleg vella. Hér var söngurinn agaður. Fyrir vikið fékk lagið að njóta sín alveg ómengað í tign sinni. Það var virkilega tilkomumikið. Í undirbúningi mun vera heildarútgáfa á verkum Sigvalda. Kór Langholtskirkju sér þar um kórlögin, sem eru um fimmtíu talsins. Miðað við það sem ég heyrði á tónleikunum, þá er ég strax farinn að hlakka til.Niðurstaða: Lög Þorvalds Gylfasonar og Sigvalda Kaldalóns voru heillandi í vönduðum flutningi Kórs Langholtskirkju og Tómasar Guðna Eggertssonar. Gagnrýni Mest lesið Slíta sambandinu en vinna áfram saman Lífið Ace Frehley látinn af slysförum Lífið Páll Baldvin fer fram gegn tillögu kjörnefndar Menning Cillian mærir Kiljan Lífið „Við eigum bara eitt líf og ég ætla því að lifa því eins og ég vil“ Lífið Katrín Odds og Þorgerður ástfangnar á frumsýningu Tónlist Ingunn Svala kaupir glæsihús Jóhanns Bergs á Arnarnesi Lífið Kasóléttur forystusauður, ungstirni og engilfagrar kanónur Tíska og hönnun Battlefield 6: Gamli góði Battlefield er snúinn aftur Leikjavísir Rúrik hlaut verðlaun sem rísandi stjarna ársins Lífið Fleiri fréttir Slappur smassborgari Shine on, you crazy Íslendingar! Skömminni skilað Friðrik Ómar bauð upp á sveppi – og Villi hefði elskað það! Freðinn faðir, fáránlegir fasistar og fyrsta flokks bíó Veisla fyrir augu og eyru Ekki er allt gull sem glóir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Sjá meira
Tónlist: Lög eftir Sigvalda Kaldalóns og Þorvald Gylfason Kór Langholtskirkju undir stjórn Jóns Stefánssonar Tónleikar í Langholtskirkju sunnudaginn 16. nóvember. Tónleikar Kristins Sigmundssonar, þar sem hann söng lagaflokk eftir Þorvald Gylfason fyrr í haust, komu ekki vel út að mati undirritaðs. Söngurinn var daufur og útsetningarnar voru ekki sannfærandi. En sjö lög eftir Þorvald við ljóð eftir Kristján Hreinsson, sem frumflutt voru á tónleikum Kórs Langholtskirkju undir stjórn Jóns Stefánssonar á sunnudaginn var, hljómuðu miklu betur. Útsetningarnar voru flottar, t.d. var síðasta lagið, Minning, sérlega grípandi. Lagið fjallar um dauðann og minningarnar sem eru ódauðlegar; þar var orgelleikurinn ákaflega myrkur en söngurinn bjartur. Kannski var orgelið í hlutverki dauðans, en raddirnar holdgerving hinna ódauðlegu minninga. Andstæðurnar voru afar vel útfærðar og eftir því áhrifamiklar. Laglínurnar í öllum lögunum voru fallegar, einfaldar í byrjun en fóru svo gjarnan í óvæntar áttir. Það er svo auðvelt að semja alþýðlegar melódíur sem eru klisjur! Þorvaldur datt aldrei í þá gryfju. Þvert á móti voru lögin hans hrífandi. Mörg hver eiga örugglega eftir að lifa með þjóðinni. Kórinn söng af alúð og öryggi, samhljómurinn var þéttur og fágaður. Orgelleikur Tómasar Guðna Eggertssonar var líka pottþéttur, nákvæmur og hæfilega litríkur. Svipaða sögu er að segja um flutninginn á nokkrum kórlögum eftir Sigvalda Kaldalóns. Fyrir utan ónákvæmni karlanna í einu laginu var söngurinn fagur og tilfinningaríkur, túlkunin full af ákefð og lífi. Ave María eftir Sigvalda var á dagskránni, að þessu sinni í kórútsetningu Jóns Stefánssonar. Hún var stórglæsileg. Venjulega er hún flutt af einum söngvara við píanómeðleik, og verður stundum dálítið væmin. Þetta er vissulega fallegt lag, en það þarf ákveðið látleysi til að ná að rísa upp í hæstu hæðir. Margir söngvarar missa sig í tilfinningaseminni og útkoman verður óttaleg vella. Hér var söngurinn agaður. Fyrir vikið fékk lagið að njóta sín alveg ómengað í tign sinni. Það var virkilega tilkomumikið. Í undirbúningi mun vera heildarútgáfa á verkum Sigvalda. Kór Langholtskirkju sér þar um kórlögin, sem eru um fimmtíu talsins. Miðað við það sem ég heyrði á tónleikunum, þá er ég strax farinn að hlakka til.Niðurstaða: Lög Þorvalds Gylfasonar og Sigvalda Kaldalóns voru heillandi í vönduðum flutningi Kórs Langholtskirkju og Tómasar Guðna Eggertssonar.
Gagnrýni Mest lesið Slíta sambandinu en vinna áfram saman Lífið Ace Frehley látinn af slysförum Lífið Páll Baldvin fer fram gegn tillögu kjörnefndar Menning Cillian mærir Kiljan Lífið „Við eigum bara eitt líf og ég ætla því að lifa því eins og ég vil“ Lífið Katrín Odds og Þorgerður ástfangnar á frumsýningu Tónlist Ingunn Svala kaupir glæsihús Jóhanns Bergs á Arnarnesi Lífið Kasóléttur forystusauður, ungstirni og engilfagrar kanónur Tíska og hönnun Battlefield 6: Gamli góði Battlefield er snúinn aftur Leikjavísir Rúrik hlaut verðlaun sem rísandi stjarna ársins Lífið Fleiri fréttir Slappur smassborgari Shine on, you crazy Íslendingar! Skömminni skilað Friðrik Ómar bauð upp á sveppi – og Villi hefði elskað það! Freðinn faðir, fáránlegir fasistar og fyrsta flokks bíó Veisla fyrir augu og eyru Ekki er allt gull sem glóir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Sjá meira