Gulróta- og kóríandersúpa

Holl og næringarrík súpa sem kemur hita í kroppinn á köldum og blautum haustkvöldum.

Dásamlega bragðgóð og mjög einföld að búa til.

1 matskeið olía til steikingar

1 laukur

1 teskeið kóríanderkrydd

1 lítil lífræn sæt kartafla

450 g lífrænar gulrætur

1 lítri vatn

1 teningur grænmetiskraftur

handfylli af ferskum kóríander

1 tsk. sjávarsalt

1. Byrjið á því að þvo grænmetið og skræla gulræturnar og kartöfluna. Skerið allt grænmetið niður í litla bita.

2.Steikið laukinn og sætu kartöfluna með kóríanderkryddinu í olíunni í 5 mínútur eða þangað til að laukurinn er orðinn mjúkur.

3. Hellið steikta grænmetinu í pott ásamt gulrótunum, vatninu og grænmetiskraftinum. Lokið pottinum og látið sjóða í 25 mínútur.

4. Hellið úr pottinum í matvinnsluvél og bætið ferskum kóríander við. Blandið saman þangað til að áferðin er orðin mjúk.

5. Hitið aftur í pottinum, smakkið og bætið örlitlu sjávarsalti við ef þess þarf.

Borðið og njótið!