Vetrarboð hjá Hyundai

Hyundai við Kauptún í Garðabæ heldur þjónustudag og bílasýningu milli kl. 12 og 16 nk. laugardag undir heitinu Vetrarboð. Tekið verður á móti eigendum Hyundai bíla með léttum veitingum og tilboði um léttskoðun á bílum viðskiptavina, þeim að kostnaðarlausu.

Allir sem nýta sér þjónustuna fá að gjöf nýjar rúðuþurrkur og rúðuvökva auk þess sem tilboð verður á varahlutum og viðgerðarþjónustu fyrir þá bíla sem þarfnast viðhalds. Söludeild nýrra bíla verður einnig opin og fá þeir vegleg kaupaukatilboð sem staðfesta kaup á nýjum Hyundai.