Selfoss og Fylkir með sigra

Selfoss og Fylkir unnu bæði leiki sína í Olís-deild kvenna í handbolta í dag, en liðin eru í sjötta og sjöunda sæti deildarinnar eftir leiki dagsins.

Selfos vann heimasigur á KA/Þór 23-21 eftir að hafa leitt í hálfleik 10-9. Hrafnhildur Hanna Þrastardóttir lék á alls oddi og skoraði ellefu mörk fyrir heimastúlkur, en Martha Hermannsdóttir var markahæst hjá KA/Þór með sex mörk.

Markaskorarar Selfoss: Hrafnhildur Hanna Þrastardóttir 11, Carmen Palamariu 6, Kristrún Steinþórsdóttir 3, Harpa Sólveig Brynjarsdóttir 2 og Þuríður Guðjónsdóttir 1.

Markaskorarar KA/Þór: Martha Hermannsdóttir 6, Paula Chirila 5, Laufey Lára Höskuldsdóttir 4, Katrín Vilhjálmsdóttir 3, Birta Fönn Sveinsdóttir 2 og Arna Kristín Einarsdóttir 1.

Fylkisstúlkur unnu nýliða ÍR 26-22 eftir að staðan hafi verið jöfn í hálfleik 12-12. Árbæingar náðu að spýta í lófana í síðari hálfleik og unnu að lokum fjögurra marka sigur, 26-22.

Þorbjörg Anna Steinarsdóttir skoraði sjö mörk fyrir ÍR, en Kristjana Steinarsdóttir skoraði níu mörk fyrir gestina.

Markaskorarar ÍR: Þorbjörg Anna Steinarsdóttir 7, Sólveig Lára Kristjánsdóttir 6, Sigrún Ása Ásgrímsdóttir 2, Sigrún Emma Björnsdóttir 2, Jóhanna Björk Viktorsdóttir 2, María Másdóttir 1, Sif Maríudóttir 1, Helena Jónsdóttir 1.

Markaskorarar Fylkis: Kristjana Steinarsdóttir 9, Patricia Szölösi 7, Thea Imani Sturludóttir 3, Ólöf Kristín Þorsteinsdóttir 3, Arna Ösp Gunnarsdóttir 2, Sigrún Birna Arnardóttir 1, Hildur Björnsdóttir 1.