Ba tryggði Besiktas stig

Tottenham mátti sætta sig við jafntefli er liðið mætti Besiktas á heimavelli í Evrópudeild UEFA í kvöld.

Harry Kane kom Tottenham yfir í fyrri hálfleik og stefndi í að það myndi duga til að tryggja enska liðinu sigur.

En Demba Ba, fyrrum leikmaður Chelsea, Newcastle og West Ham, tryggði gestunum annað stigið með marki úr vítaspyrnu á 89. mínútu. Hún var dæmd eftir að Vlad Chiriches handlék knöttinn í eigin vítateig.

Besiktast hafði þá fengið fín færi í leiknum til að skora en Hugo Lloris var vel á verði í marki Tottenham.

Bæði lið eru með tvö stig í C-riðli en gríska liðið Asteras Trioplis er á toppi D-riðils með fjögur stig.