Sjáðu stoðsendingar Hjartar Loga | Myndband

Eins og fram kom í Fréttablaðinu í dag er vinstri bakvörðurinn Hjörtur Logi Valgarðsson búinn að leggja upp flest mörk allra í norsku úrvalsdeildinni í fótbolta á þessu tímabili.

Hjörtur, sem leikur með Sogndal sem situr í næstneðsta sæti deildarinnar, hefur átt átta stoðsendingar líkt og Christian Grindheim, samherji Viðars Arnar Kjartanssonar hjá Vålerenga, og Lillestrøm-maðurinn Petter Vaagan Moen. Íslendingurinn hefur hins leikið færri leiki en þeir báðir.

Hjörtur gekk til liðs við Sogndal frá IFK Gautaborg fyrir tímabilið, en hann er uppalinn hjá FH. Hjörtur hefur leikið átta landsleiki fyrir Íslands hönd, en hann lék síðast með landsliðinu í nóvember 2012.

Í myndbandinu hér að neðan má sjá stoðsendingar Hjartar, auk fleiri tilþrifa.

Logi Valgardsson (1988) - Highlights 2014 from Total Football on Vimeo.