Hraunflæði úr Holuhrauni hægist

Hægst hefur á flæði hrauns úr gosstöðvunum í Holuhrauni, en eldgos hófst þar síðast snemma í gærmorgun.

„Það er eitthvað verið að skrúfa fyrir núna, tímabundið allavega,“ segir Ármann Höskuldsson. „Sprungan hefur styst og svo er minna sem kemur upp úr henni. Hér er allt orðið miklu rólegra.“

Ármann er á svæðinu við Holuhraun ásamt öðrum vísindamönnum og hann segir rannsóknir hafa gengið mjög vel, miðað við aðstæður. Þá þurfa þau að bera gasgrímur vegna mikils brennisteinsgass sem fylgir hrauninu.

„Það er náttúrulega vont veður og svo er mikið gas sem kemur með kvikunni. Við þurfum að vera viðbúin öllu núna.