Stærsti skjálftinn til þessa reið yfir í nótt

Snarpasti jarðskjálftinn, sem mælst hefur í skjálftahrynunni sem hófst í Bárðarbungu fyrir rúmri viku, varð í nótt um klukkan hálf tvö og mældist 5,7 stig.

Click here for an English version.

Ekki kemur fram í skeyti frá Veðurstofunni hvort hann fannst í byggð. Annars er ekkert lát á skjálftavirkninni, sem er mest við enda berggangsins norður úr Dyngjujökli.

Hann teygir sig nú tíu kílómetra norður fyrir jökuljaðarinn. Upptök stóra skjálftans í nótt voru norðantil í Bárðarbunguöskjunni, en engin merki sjást um gosóróa.