Súkkulaðisynd Röggu Nagla

Hver elskar ekki litlu syndina ljúfu, með súkkulaðið flæðandi út um mallakútinn á kökunni? Hér kemur uppskrift frá einkaþjálfaranum og sálfræðingnum Röggu Nagla sem er búin að finna léttari útgáfu af þessari dásemdarköku.

Naglasyndin ljúfa

1 skammtur

40g haframjölshveiti (malað í blandara/matvinnsluvél)

1 msk kókoshnetuhveiti (t.d Dr. Goerg)

2 tsk NOW Psyllium HUSK

1 msk NOW Sugarless sugar

1 tsk lyftiduft

rifið zucchini

1 msk ósætað kakó (t.d Hershey’s)

2 msk hreint skyr/kvark/grísk jógúrt 1%

2 msk mjólk (möndlu/belju/soja)

3 msk graskersmauk (eða stappaður banani)

2 eggjahvítur (60g)

2 tsk horuð súkkulaðisósa Naglans (sjá uppskrift hér að neðan)

Aðferð:

1. Hrærðu öllu gumsinu (nema súkkulaðisósunni) saman í smurðri skál með gaffli,

2. Búðu til litla holu í deigið. Helltu súkkulaðisósunni í holuna og fylltu yfir með meira deigi.

3. Inn í Örrmundinn þinn (örbylgjuofn) í 2-4 mínútur (tími fer eftir hversu öflugur örrinn er). Þegar toppurinn er þurr og brúnirnar aðeins farnar að losna frá skálinni er kvekendið klárt til átu. Leyfðu að kólna í nokkrar mínútur áður en kakan er losuð úr skálinni.

 

Horað súkkulaðikrem Naglans:

1 msk ósætað kakó (t.d Hershey’s eða Ghirardelli)

1 tsk Sukrin flormelis (eða Stevia sett í blandara og blandað þar til verður eins og flórsykur)

2-4 msk möndlumjólk (eftir þykktarsmekk)

NOW kókoshnetudropar (bestu dropar á jarðarkringlunni)

Blanda öllu saman í skál og hræra, hræra, hræra eins og ljónið með skeið. Sýndu þolinmæði því það lítur út fyrir að ekkert sé að gerast en að lokum gefst kakóið upp og blandast við mjólkina, svo úr verður flauelsmjúkt súkkulaðikrem.

Fleiri uppskriftir og góð ráð má finna á bloggsíðu Röggu Nagla.