Miley Cyrus andlit Marc Jacobs

Nýja andlit Marc Jacobs er engin önnur en hin umdeilda poppstjarna Miley Cyrus.

Miley og Jacobs hafa verið vinir um langt skeið - hún var til dæmis í kjól eftir Marc á Met Gala 2013, einum stærsta félagslega viðburði ársins vestanhafs, auk þess sem mynd af Miley nakinni prýðir bol sem Jacobs gerði til styrktar rannsókna á húðkrabbameini.

Cyrus er sú síðasta á löngum lista af stjörnum sem hafa setið fyrir fyrir Jacobs, nöfnum á borð við Meg White, Helena Bonham-Carter, Jennifer Jason Leigh, Dakota Fanning, Victoria Beckham og Sofia Coppola.

Þá hefur íslensk fyrirsæta heillað Jacobs, en Kolfinna Kristófersdóttir þrammaði tískupallana fyrir báðar fatalínur hans, Marc by Marc Jacobs og Marc Jacobs, á tískuvikunni í New York árið 2012.