Líkir Sólveigu við Pattie Boyd

Vefsíðan Dailymail.co.uk birti langa grein um Sólveigu Káradóttur og eiginmann hennar, tónlistarmanninn Dhani Harrison, á fimmtudag. Greinin snýst að mestu um hversu mikill svipur sé með hjónunum og föður Dhanis, Bítlinum George Harrison, og fyrrum konu hans, Pattie Boyd. Sólveig og Harrison voru viðstödd frumsýningu kvikmyndarinnar Beautiful Creatures í Los Angeles en Harrison samdi tónlist myndarinnar ásamt hljómsveit sinni Thenewno2.

„Er Dhani og eiginkona hans, fyrrverandi fyrirsæta sem gerðist sálfræðingur, gengu rauða dregilinn þóttu þau sláandi lík George og fyrstu eiginkonu hans, Boyd," stóð meðal annars í greininni.

Blaðamaðurinn rifjar einnig upp brúðkaup Sólveigar og Harrison og segir það hafa verið sannkallaða rokk og rólsamkomu.

Samkvæmt greininni býr parið í Los Angeles en á einnig heimili á Hawaii.