"Datt alls ekki í hug að þetta væri byssa“

Kristján Már Unnarsson og Haukur Viðar Alfreðsson skrifar 2. desember 2013 15:21

Oddný Vestmann er íbúi við Hraunbæ þar sem 59 ára karlmaður hóf skothríð í nótt. Lögreglan réðst inn og skaut manninn og yfirbugaði hann. Hann lést af skotsárum skömmu eftir komuna á bráðamóttöku Landspítalans.

„Ég hélt þetta væri flugeldur eða eitthvað. Datt alls ekki í hug að þetta væri byssa,“ segir Oddný, en hún hafði heyrt háværa sprengingu í svefnrofanum.

„Um hálf sex má segja að hér hafi upphafist skothríð,“ segir Oddný en hún heyrði greinilega að skotin komu bæði innan úr íbúð og utan frá.

„Ég varð bara skelfingu lostin,“ segir Oddný, en nágrannar hennar komu upp og sóttu hana og var hún hjá þeim þar til hlutir fóru að skýrast.

Tökumaður Stöðvar 2 var mættur á svæðið um sexleytið í morgun ásamt fréttamanni, en viðtalið við Oddnýju má sjá í spilaranum hér fyrir ofan.

Í kvöldfréttum Stöðvar 2 verður svo farið ítarlega í málið, en fréttastofa tók fjölmörg viðtöl við sjónarvotta í morgun.

Byssumaður í Árbæ

Tengdar fréttir

Skotum rigndi yfir sérsveitarmenn - hitti einn í höfuðið

Byssumaðurinn í Hraunbænum lét skotum rigna yfir sérsveitarmenn lögreglunnar þegar þeir gerðu tilraun til að ryðjast inn í íbúðina. Lögreglan harmar atburðinn og vill koma innilegum samúðarkveðjum til ættingja mannsins.

2. desember 2013 11:44

Íbúi við Hraunbæ: Heyrði um fimmtíu skot

„Það voru fjörutíu löggur fyrir utan. Ég hafði engar áhyggjur af þessu,“ segir íbúi við Hraunbæ, þar sem lögregla yfirbugaði byssumann í morgun.

2. desember 2013 09:48

Blaðamannafundur vegna skotárásar í Árbæ

Ríkislögreglustjóri og Lögreglustjórinn á höfuðborgarsvæðinu hafa boðað til blaðamannafundar klukkan 11.

2. desember 2013 10:35

Umsátursástand í Árbæ - skotið á lögreglumenn

Umsátursástand er í Árbæjarhverfi í Reykjavík þar sem maður virðist hafa skotið af byssu. Allt tiltækt lið lögreglu er á staðnum og hefur verið opnuð fjöldahjálparmiðstöð fyrir íbúa á svæðinu sem hafa verið látnir yfirgefa heimili sín. Maðurinn virðist staddur í blokk í Hraunbænum. Stóru svæði í hverfinu hefur verið lokað.

2. desember 2013 06:21

Fyrsta sinn sem maður fellur fyrir skoti íslenskrar lögreglu

Það hefur aldrei áður gerst að maður falli fyrir skotum íslenskrar lögreglu.

2. desember 2013 11:28

Myndband: Lögreglumenn skjóta á íbúð mannsins

Á meðfylgjandi myndskeiði má sjá sérsveitarmenn frá lögreglunni þegar aðgerðin í Árbæ stóð sem hæst. Meðal annars sést hvar lögreglumenn skjóta að því er virðist reyk- eða táragassprengjum inn í íbúð mannsins sem hafði lokað sig af í íbúð sinni.

2. desember 2013 08:26

NÁGRANNAR UM BYSSUMANNINN: „Hann var bara búinn að vera ruglaður í hálfan sólarhring“

Íbúar í Hraunbæ eru slegnir eftir viðburðina í morgun en lögreglan yfirbugaði byssumann á sjönda tímanum. Nágrannar voru vaktir af lögreglu og þeir fluttir með strætisvagni í Árbæjarkirkju þar sem fjöldahjálparmiðstöð hafði verið sett upp.

2. desember 2013 08:15

Nágranni byssumannsins: „Var svo hrædd að ég vildi ekki vekja börnin“

Íbúum við Hraunbæ er brugðið eftir skothríð sem varð þar á sjöunda tímanum í morgun.

2. desember 2013 08:02

Maðurinn lést af völdum skotsára

Lést skömmu eftir komu á bráðadeild Landspítalans af skotsárum.

2. desember 2013 09:53

Umsátur í Árbæ: Myndir frá aðgerðum lögreglu í morgun

Byssumaðurinn í Hraunbænum lét skotum rigna yfir sérsveitarmenn lögreglunnar þegar þeir gerðu tilraun til að ryðjast inn í íbúðina.

2. desember 2013 13:02

Búið að yfirbuga manninn

Búið er að yfirbuga manninn sem skaut af byssu við Árbæ í morgun og er búið að aflétta lokun sem var í stórum hluta hverfisins. Lögreglan tilkynnti íbúum sem höfðu verið fluttir í Árbæjarkirkju þetta nú fyrir skömmu. Ekki er vitað hvort maðurinn sé særður.

2. desember 2013 06:57