Guðjón lagði upp sigurmark Halmstad

Nýliðar Halmstad unnu 1-0 sigur á Öster í sænsku úrvalsdeildinni í fótbolta en þetta var fyrsti sigur liðsins á tímabilinu.

Guðjón Baldvinsson lagði upp eina mark leiksins fyrir Andreas Landgren á 63. mínútu leiksins. Guðjón spilaði allan leikinn en Kristinn Steindórsson kom inn á sem varamaður á 81. mínútu.

Halmstad-liðið hafði aðeins náð í tvö stig í fyrstu sex umferðunum og var fyrir leikinn í næstneðsta sætinu. Þetta var því langþráður og nauðsynlegur sigur.

Skúli Jón Fridgeirsson var ekki í leikmannahópnum hjá Elfsborg þegar liðið vann 2-1 heimasigur á Mjällby.