Vilja vinna með öllum

„Þetta er auðvitað svolítið speisað,“ segir Helgi Hrafn Gunnarsson, oddviti flokks Pírata í Reykjavíkurkjördæmi norður um það að vera á leið á þing, en Helgi er einn 27 nýrra þingmanna eftir Alþingiskosningarnar í gær.

„Það verður áhugavert að sjá hvernig gengur að vinna með komandi ríkisstjórn, en planið er að vinna með öllum til að opna stjórnsýsluna á þann hátt að fólk geti orðið sátt, og þá bæði til hægri og vinstri.“

Helgi segist hafa vonast það besta í kosningunum en jafnframt búist við hinu versta.

„Fylgið er vissulega heldur lægra en við vildum, en gerir okkur kleyft að vinna að þeim málum sem við viljum vinna.“