Konungur kokteilkjólanna

Christian Dior sýndi haust – og vetarlínu sýna í París í gær. Franska tískuhúsið er fyrir löngu orðið rótgróið í tískuheiminum og línurnar yfirleitt klassískar umfram annað. Í þetta sinn voru fötin fremur hefðbundin, klassísk og klæðileg, en yfirhönnuðurinn Raf Simons setti samt sinn svip á línuna og lék sér með mynstur og samsetningar auk þess sem fallegar kápur fengu að njóta sín. Kokteilkjólarnir sem tískuhúsið er þekkt fyrir voru á sínum stað og var það hlýralausa sniðið sem var áberandi þetta árið.