Lewandowski á förum frá Dortmund

Þýska félagið Borussia Dortmund hefur staðfest að pólski framherjinn sé á förum frá Dortmund. Hann mun líklegast yfirgefa félagið í sumar.

Lewandowski er með samning við félagið til ársins 2014. Sá samningur verður ekki framlengdur. Ætli Dortmund sér að fá einhvern pening fyrir hann verður félagið að selja næsta sumar.

"Robert mun ekki framlengja samninginn. Hann fer því næsta sumar eða sumarið 2014," sagði Michael Zorc, framkvæmdastjóri Dortmund.

Man. Utd eða Bayern München hafa bæði mikinn áhuga á leikmanninum og eru það sagðir vera líklegustu áfangastaðir pólska landsliðsmannsins.