Beyoncé á forsíðu Vogue

Það má með sanni segja að Beyoncé Knowles sé ein skærasta stjarna okkar tíma. Hún hefur ekki setið auðum höndum þetta árið, en til að nefna nokkra hluti söng hún bandaríska þjóðsönginn við innsetningarhátíð Baracks Obama í byrjun árs, sló í gegn á Super Bow ásamt Destiny's Child, tilkynnti um tónleikaferð með hvelli ásamt því sem að heimildamynd um poppdrottninguna kemur út síðar í mánuðinum. Hún virðist alltaf geta á sig blómum bætt prýðir forsíðu bandaríska Vogue í mars. Geri aðrir betur!

Myndaseríunni sem fylgdi forsíðunni hefur verið lekið á netið, en þar tekur Beyoncé sig glæsilega út í hátískuklæðnaði frá Alexander McQueen og Rochas. Enda sagði hún í viðtali við Vogue að henni hefði aldrei fundist hún sjálf vera kvenlegri og kynþokkafyllri heldur en einmitt núna.