Valentino sækir innblástur til Hans og Grétu

Tískuvikan í New York hófst í gær. Fjölmargir hönnuðir munu þar sýna tískulínur fyrir næsta haust og vetur, en meðal þeirra sem reið á vaðið í gær var Red Valentino, undirmerki tískuhússins Valentino sem ætlað er yngri markhópi. Línan var vægast sagt ævintýraleg enda sóttu hönnuðirnir Pierpaolo Piccioli and Maria Grazia Chiuri innblástur sinn til sögunnar um Hans og Grétu. Við skulum skoða nokkrar myndir og sjá hvernig þeim tókst til við að yfirfæra ævintýrið í fötin.