Eru á óskalistanum

Leikstjórarnir Joe og Anthony Russo eru í óðaönn að undirbúa tökur á kvikmyndinni Captain America: The Winter Soldier. Leikarinn Chris Evans mun bregða sér í gervi Captain America en óljóst er hvaða leikkona leikur á móti honum í myndinni.

Russo-bræðurnir hafa upplýst að þeir myndu helst vilja fá leikkonurnar Emiliu Clarke sem fer með hlutverk Daenerys Targaryen í Game of Thrones, Jessicu Brown Findlay úr Downton Abbey, Teresu Palmer sem lék í I Am Number Four, Imogen Poots úr 28 Weeks Later eða Alison Brie sem fer með hlutverk Trudy Campbell í sjónvarpsþáttunum Mad Men til liðs við sig.

Allar leikkonurnar fimm eru rísandi stjörnur og afskaplega hæfileikaríkar og á orðatiltækið „sá á kvölina sem á völina“ vel við því Russo-bræðurnir eiga erfitt verk fyrir hendi.