20 ára strákarnir geta tryggt sig inn á EM í dag | Mæta Eistum í Víkinni

Íslenska 20 ára landsliðið í handbolta er í góðum málum í undankeppni EM sem fer fram hér á landi. Íslensku strákarnir unnu Bosníu í fyrsta leiknum og eftir sigur Bosníumanna á Eistum í gær er ljóst að íslenska liðinu nægir jafntefli í lokaleiknum á móti Eistlandi til þess að tryggja sér sæti á EM.

Íslenska liðið mætir Eistlandi klukkan 14.00 í Víkinni í dag en í boði er sæti í úrslitakeppni Evrópumótsins sem fer fram í Tyrklandi í sumar. Geir Sveinsson og Kristján Halldórsson þjálfa saman íslenska liðið.

Sveinn Aron Sveinsson, hornamaður úr Val, var atkvæðamestur í sigrinum á Bosníumönnum en hann skoraði þá 11 mörk en Akureyringarnir Guðmundur Hólmar Helgason og Geir Guðmundsson sem og FH-ingurinn Ísak Rafnsson skoruðu allir fimm mörk í þeim leik.

Íslenski hópurinn er þannig skipaður:

Markmenn

Brynjar Darri Baldursson Stjarnan

Einar Ólafur Vilmundarson Haukar

Útileikmenn

Agnar Smári Jónsson Valur

Arnar Daði Arnarsson Valur

Árni Benedikt Árnason Grótta

Garðar Sigurjónsson Fram

Geir Guðmundsson Akureyri

Guðmundur Helgason Akureyri

Ísak Rafnsson FH

Janus Smárason Selfoss

Leó Pétursson HK

Magnús Óli Magnússon FH

Pétur Júníusson UMFA

Sveinn Aron Sveinsson Valur

Víglundur Jarl Þórsson Stjarnan

Þráinn Orri Jónsson Grótta