Valskonur skoruðu 39 mörk í Eyjum

Valur vann 39-32 sigur á ÍBV í N1 deild kvenna í handbolta í dag en leikurinn fór fram í Vestmannaeyjum. Eyjastúlkur voru fyrsta liðið sem nær að skora 30 mörk á Val í vetur en það dugði þó ekki til sigurs.

Valskonur voru 21-18 yfir í hálfleik en með þessum sigri komust þær upp að hlið Fram á toppi deildarinnar. Bæði lið hafa nú 18 stig af 20 mögulegum.

Þorgerður Anna Atladóttir skoraði 10 mörk fyrir Val í dag en Anna Úrsúla Guðmundsdóttir kom næst með sjö mörk.



ÍBV-Valur 32-39 (18-21)

Mörk ÍBV: Georgeta Grigore 10, Ester Óskarsdóttir 9, Ivana Mladenovic 8, Aníta Elíasdóttir 2, Marijana Trbojevic 2, Þórsteina Sigurbjörnsdóttir 1.

Mörk Vals: Þorgerður Anna Atladóttir 10, Anna Úrsúla Guðmundsdóttir 7, Dagný Skúladóttir 5, Ragnhildur Rósa Guðmundsdóttir 5, Hrafnhildur Ósk Skúladóttir 5, Karólína Bæhrenz Gunnarsdóttir 4, Kristín Guðmundsdóttir 2, Aðalheiður Hreinsdóttir 1.