Kjörin kynþokkafyllsta kona heims

Fyrirsætan og nú leikkonan Rosie Huntington-Whiteley situr á toppnum yfir 100 kynþokkafyllstu konur í heimi, að því er tímaritið Maxim greinir frá. Í yfirlýsingu frá blaðinu segir að Huntington-Whiteley sé rísandi stjarna í Hollywood.

Huntington-Whiteley er þekkt fyrirsæta en hefur nú komið sér á hvíta tjaldið og leikur í nýjustu Transformers-myndinni. Heimildir herma að hún sé í sambandi með leikaranum Jason Statham, eftir að til þeirra sást á Coachella-tónlistarhátíðinni.