Síðasta vika sú besta í sumar

Það er svo sannarlega líf í tuskunum víða eftir stóra strauminn um síðustu helgi. Góðar göngur hafa verið víða og ekkert lát á líkt og féelagi okkar einn varð vitni að við Borgarfjarðarbrúna síðustu nótt.

Okkar maður var að kasta fyrir silung á Seleyri þar sem oft er margt um manninn að veiða sjógöngusilung án endurgjalds. Honum sagðist svo frá að um miðnætti síðast liðna nótt hefði allt dottið í dúnalogn og þá hefði verið sjón að sjá sjóinn, hann hefði kraumað af laxi sem var á hraðferð fram hjá og áleiðis upp í vatnakerfið. Hann var síðan aftur á ferðinni snemma í morgun og var allt við það sama, viðstöðulausar göngur fram hjá og undir brú og uppúr. Seleyrarmenn setja sjalda í lax, en félagi okkar landaði nokkrum ágætum bleikjum. Hann sagði samt, að sjá torfurnar æða fram hjá hefði verið toppurinn á veiðitúrnum.

Meira á https://www.votnogveidi.is/frettir/eru-thau-ad-faann/nr/3942