Ólafía Íslandsmeistari með yfirburðum

Ólafía Þórunn Kristinsdóttir úr Golfklúbbi Reykjavíkur vann öruggan sigur á Íslandsmótinu í höggleik sem fram fór á Hólmsvelli í Leiru.

Ólafía var með örugga forystu fyrir lokahringinn. Hún gaf hana aldrei eftir og landaði frábærum sigri.

Ólafía lék á 8 höggum yfir pari sem var hennar skor eftir dagana fjóra. Tinna Jóhannsdóttir, sem vann Íslandsmótið í fyrra, varð önnur á 17 höggum yfir pari.

Signý Arnórsdóttir tók þriðja sætið á 22 höggum yfir pari og Valdís Þóra Jónsdóttir var á 23 höggum yfir pari.