Kuyt: Framtíð mín hjá Liverpool

Dirk Kuyt segist vera ánægður hjá Liverpool og viti ekki betur en að hann verði áfram hjá félaginu.

Í dag var haft eftir umboðsmanni Kuyt að hann vildi fara frá Liverpool og til Inter þar sem Rafael Benitez, fyrrum stjóri Liverpool, starfar nú.

„Ég veit ekki betur en að framtíð mín sé hjá Liverpool. Ég hef notið tímans hér og vona að framtíðin verði frábær. Það eina sem ég vil er að vinna titla með Liverpool," sagði Kuyt eftir 2-1 sigur á Trabzonspor í Tyrklandi í kvöld. Kuyt skoraði síðara mark Liverpool í leiknum.