Karen: Hélt þær kæmu brjálaðar til leiks

„Ég átti von á miklu erfiðari leik í dag og hélt að þær kæmu brjálaðar til leiks en þetta var frekar auðveldur sigur," sagði Karen Knútsdóttir, leikmaður Fram, eftir stórsigur Fram 39-25, á króatíska liðinu Tresnjevka í dag.

„Við náðum að rúlla vel og vorum mjög samstíga í þessu og það var mjög gott. Vörnin var mjög góð og náðum að fylgja því eftir með frábærum sóknarleik. Við spiluðum sem heild og gerðum þetta saman sem var frábært," sagði Karen glöð í bragði að lokum.