Ekkert nýtt varðandi endurkomuna

Tim Finchem, umsjónarmaður PGA mótaraðarinnar, gaf ekkert upp um það á blaðamannafundi í gær hvenær Tiger Woods muni snúa aftur á golf-völlinn.

Beðið var með mikilli eftirvæntingu eftir fundinum eftir að sögusagnir fóru á kreik um að tilkynna ætti um endurkomu Woods. Lítið annað var gert á fundinum en tilkynnt um styrktarsamninga.

Finchem sagði að ef Tiger hyggðist snúa aftur í mars eða apríl yrði það tilkynnt fljótlega. Tiger hefur gefið forsvarsmönnum mótaraðarinnar loforð um að þeir fái að vita um endurkomuna með góðum fyrirvara.

Tiger Woods ákvað að taka sér frí frá golfinu eftir að hafa viðurkennt að hafa haldið framhjá eiginkonu sinni.