Hin mörgu andlit Freju

Danska fyrirsæta Freja Beha Erichsen trónir á toppnum yfir vinsælustu fyrirsætur í heimi. Hún er kamelljón þegar kemur að fyrirsætustörfunum og allt fer henni bókstaflega vel.

Í hinu daglega lífi einkennist hins vegar stíll hennar af leðurjökkum og buxum og daman státar sig af 16 húðflúrum víðs vegar um líkamann.

Freja er upprunalega frá Hróarskeldu og var uppgötvuð á strætum Kaupmannahafnar af umboðsmanni sem ók framhjá henni í leigubíl.

Hönnuðir hafa heillast af útliti stúlkunnar og hún hefur verið það mikill innblástur fyrir fatahönnuði að tískuhúsin Chloé og Jill Stuart hafa nefnt tösku í höfuðið á henni og ungstirnið Alexander Wang nefndi eina af sínum vinsælustu skóm í höfuðið á Freju síðasta sumar.

Freja er súpermódel okkar tíma.

Í doppóttri skyrtu og rokkstuði rétt áður en hún gengur inn á tískupallinn fyrir Erin Wasson RVCA.

Gengur niður tískupallinn hjá Diesel með blásið hár í stuttu gallapilsi.

Það er mikið stuð baksviðs á tískuvikunum. Hér er Freja á sýningu hjá Önnu Sui.

Hér sést glitta í eitt af 16 húðflúrum dömunnar.

Næsta sumar verður gegnsætt gegnumgangandi og hér sést Freja skarta einu slíku pilsi.

Freja gengur hér eftir pallinum með mikið máluð augu, svört og seiðandi.

Litríkar og flottar litasamsetningar. Myndir/Getty