Ísland á öruggustu vatnsbirgðir jarðar

Ný skýrsla leiðir í ljós að Ísland á öruggustu vatnsbirgðir heimsins. Sómalía er hinsvegar í mestum vandræðum og þar á eftir koma Afríkuríkin Mauritanía, Súdan og Níger.

Á eftir Íslandi á toppi listans koma Noregur og Nýja Sjáland en í Sómalíu hafa aðeins 30 prósent íbúa landsins aðgang að hreinu drykkjarvatni.

Í skýrslunni, sem unnin var af bresku ráðgjafafyrirtæki, segir að loftlagsbreytingar og fjölgun mannkyns setji aukið álag á vatnsbirgðir heimsins og geri vatnsnotkun í landbúnaði og iðnaði æ varhugaverðari. Vatnsskortur er þó ekki einskorðaður við Afríku því mikil vandamál eru einnig á sumum svæðum í Bandaríkjunum og Ástralíu.

Sjötíu prósents alls fersksvatns er notað til áveitu og tuttugu og tvö prósent til iðnaðar.