Pizarro ánægður hjá Bremen

Claudio Pizarro vonast til að hann þurfi ekki að koma aftur til Chelsea eftir að núverandi lánssamningur félagsins við Werder Bremen rennur út í lok tímabilsins.

Bremen mun hafa áhuga á því að halda Pizarro í sínum röðum en þarf að semja við Chelsea um kaupverð.

Pizarro fékk lítið að spila hjá Chelsea og því ekki ólíklegt að félögin muni komast að samkomulagi um félagaskipti.

„Claudio hefur tilkynnt okkur að hann vilji vera áfram," sagði Klaus Allofs, stjóri Bremen. „Við verðum við sýna þolinmæði en við viljum halda honum. Við verðum þó fyrst að kanna hug Chelsea-manna og er því of snemmt að fullyrða neitt um framhaldið."