Shakhtar Donetsk í ágætum málum

Einum leik er lokið í fjórðungsúrslitum UEFA-bikarkeppninnar. Shakhtar Donetsk vann 2-0 sigur á Marseille frá Frakklandi á heimavelli sínum í Úkraínu.

Það voru þeir Tomas Hübschman og Jadson sem skoruðu mörk Shakhtar í leiknum. Liðið sló út CSKA Moskvu í síðustu umferð en Marseille gerði sér lítið fyrir og sló út Ajax frá Hollandi.

Þrír leikir eru á dagskrá keppninnar í kvöld en um fyrri viðureignir liðanna í fjórðungsúrslitum er að ræða:

Hamburg - Manchester City

Parist Saint-Germain - Dynamo Kyiv

Werder Bremen - Udinese

Leikirnir hefjast klukkan 18.45.