Indriði seldur til Viking

Landsliðsmaðurinn Indriði Sigurðsson er að færa sig um set í Noregi en hann er leið til Viking frá Stafangri frá Lyn. Frá þessu er greint á heimasíðu Viking.

Fyrir hjá Viking er annar Íslendingur, Birkir Bjarnason. Indriði mun gangast undir læknisskoðun og skrifa undir samning við Viking á morgun. Liðið er í sjöunda sæti norsku úrvalsdeildarinnar.

Lyn á í miklum fjárhagsörðugleikum eins og komið hefur fram í fjölmiðlum og virðist fall blasa við liðinu. Það vermir botnsætið og er átta stigum frá næstu liðum fyrir ofan.