Stelpurnar líka í beinni á HSÍ TV

Handknattleikssamband Íslands ætlar að sjálfsögðu ekki að gera upp á milli kynjanna og í kvöld verður sýnt beint frá undanúrslitum N1 deildar kvenna alveg eins og gert var frá karlaleikjunum í gær.

Í kvöld mætast Fram og Haukar í Safamýri og Valur og Stjarnan í Vodafone-höllinni. Fram og Stjarnan komast í lokaúrslitin með sigri en Haukar og Valur keppast við að tryggja sér oddaleik.

Leikirnir hefjast kl.19.30 en útsending mun hefjast um 19.15. Vefslóðir fyrir leikina verða sendar út síðar í dag og mun Vísir.is birta þær um leið og þær verða klárar.