Stefán: Vorum betra liðið í kvöld

„Ef við tökum það jákvæða þá er liðið enn taplaust og var að mínu viti betra liðið í þessum leik," sagði Stefán Arnarson, þjálfari kvennaliðs Vals, um sitt lið eftir jafnteflið gegn Stjörnunni í toppslag N1-deildarinnar.

„Við byrjuðum mjög illa og lékum alls ekki nægilega vel fyrstu tíu mínúturnar. Við höfum verið lengi í gang í leikjunum, ég hef ekki fundið ástæðuna fyrir því. Síðan vorum við betra liðið og áttum að klára þennan leik. En á einhvern óskiljanlegan hátt þá töpum við stigi hérna. Eina skýringin er sú að það vantaði skynsemi," sagði Stefán.