Forseti Nancy vongóður um að landa Veigari

Jacques Rousselot, forseti franska úrvalsdeildarfélagsins Nancy, segist vongóður um að gengið verði fljótlega frá samkomulagi við Veigar Pál Gunnarsson.

Félag Veigars Páls í Noregi, Stabæk, hefur hingað til hafnað tilboðum Nancy en Veigar Páll á eitt ár eftir af samningi sínum við félagið.

Rousselot segist hins vegar vonast til að gengið verði frá kaupunum fljótlega.

„Oft neyðist maður til að leita leikmanna sem eru ekki þekkt nöfn í evrópskri knattspyrnu en hafa hæfileikana til að standa sig vel í deildinni," sagði Rousselot.