Grindvíkingar styðja gott málefni

Fimm leikir verða á dagskrá í Iceland Express deildum karla og kvenna í körfubolta í kvöld. Þar af eru fjórir leikir í karlaflokki og einn í kvennaflokki.

Hjá konunum er um sannkallaðan botnslag að ræða því þar taka Valsstúlkur á móti Hamri klukkan 20. Hvorugt liðið hefur unnið leik á tímabilinu og því verður hart barist í Vodafonehöllinni.

Hjá körlunum hefjast allir leikir klukkan 19:15 og þar taka Grindvíkingar á móti Skallagrími þar sem allur ágóði af miðasölu mun renna til fjölskyldu Mörtu Guðmundsdóttur fyrrum leikmanns félagsins sem lést á mánudaginn. Hið sama var haft uppi á teningnum á leik Grindavíkur og Hauka í kvennaflokki í gærkvöldi þar sem mínútuþögn var fyrir leikinn til minningar um Mörtu.

Snæfell tekur á móti Stjörnunni í Stykkishólmi, Njarðvík fær Stjörnuna í heimsókn og í Seljaskóla eigast við ÍR og Fjölnir.